TRABALLO SOBRE O ANTIGO EXIPTO

O traballo versará sobre a figura do faraón Akenatón (tamén chamado Amenofis IV ou Amenoteph IV).

Deberá conter unha breve contextualización xeográfica e histórica do antigo Exipto, incluíndo os aspectos económicos, sociais, políticos e relixiosos. A partir de eses datos deberá explicarse a “revolución” relixiosa, así como as diversas transformacións que levou a cabo Akenatón”.

Non se deberá esquecer que a esposa de Akenatón era a bela Nefertiti, da que se conserva un famoso busto, nin que Tutankamón (unha das poucas tumbas reais que se atopou intacta) era seu fillo.

O traballo deberá conter mapas, fotos, ilustracións, etc….

A exposición deste traballo levarase a cabo a finais de abril ou primeiros de maio.
A exposición, así como a realización do traballo, desenvolveranse en todo caso en lingua galega.

TEMPORALIZACIÓN

Antes do 13 de abril, os coordinadores deberán enviar un correo electrónico ao enderezo gasparxeografiahistoria@gmail.com indicando o seguinte:

·         Estrutura básica do traballo que se vai desenvolver, indicando os apartados en que se vai dividir o mesmo, así como unha breve sinopse de cada un deles.

·         Material e medios a utilizar: gráficos, informáticos, etc….

·         Membro do grupo que vai expoñer cada un dos apartados.

Unha vez dado o visto e prace por parte do profesor, procederase a realizar o traballo, tendo en conta as datas de exposición na clase sinaladas